Riekdom

Rusteloos
jaegen de meensken
aachter heur dromen an

dromen van riekdom
dromen van altied meer
dromen van altied groter
dromen van altied beter

*
ze vergeten
de grote riekdom
die ze al jaoren bezitten

Een gedicht dat je in disse tieden tot daenken zet… Jan Veldhuizen (1941 – 2005) schreef et indertied. Ype Dijkstra uut Oosterwoolde maekte de mooie foto’s in et Diakenievene in Ni’jberkoop.

Tot 20 april gaon alle aktiviteiten en bi’jienkomsten van de Stellingwarver Schrieversronte niet deur vanwegens de bekende omstaandigheden. Dat gelt ok veur de jaorvergeerdering op woensdag 15 april. De ni’je daotum daorveur wodt laeter bekend maekt. Et kantoor is beparkt eupen, zodat mails en post wel lezen wodden. Op de websteden blift vanzels zoas altied wel et laeste ni’js te lezen.