Ok al liekt et haost op haastweer, et eerste grös is mi’jd:
En wat te daenken van disse koe mit zien mooie kalfien? Ondaanks alle klumerige, koolde weer: veurjaor toch?
Beide foto’s kommen van Ype Dijkstra uut Oosterwoolde.
Redaktie
Verhael Peggy Klinkhaemer: De ni’je maantel van Jantien Veld
In meie 1974 ston et verhael De ni’je maantel van Jantien Veld van Peggy Klinkhaemer (et pseudoniem van schriefster Grietje Hento-Stoker uut Wolvege) in de verhaelerebriek ‘Uut de pultrum’ van de Liwwadder kraante. Ie kun et lezen deur te klikken op:
Fokke Middendorp: Her en der deur et oolde Wolvege
Indertied ston in de regionaole kraante ‘Stellingwerf’ de serie Her en der deur et oolde Wolvege van Fokke Middendorp. Jim kun hier een oflevering lezen uut die serie, disse oflevering is van 1975. Laeter zollen de verhaelen bundeld en uutgeven wodden deur de Stellingwarver Schrieversronte. Et boek Her en der deur et oolde Wolvege is onderhaand al weer jaoren uutverkocht.
Verhael Jan Betten: Schoonmaek
In 1973 ston et verhael Schoonmaek van Jan Betten uut Oosterwoolde in de verhaelerebriek ‘Uut de pultrum’ van de Liwwadder kraante. Jan Betten was iene van de oprichters van de Stellingwarver Schrieversronte en was jaorenlang een slim aktief en betrokken bestuurslid. Jan Betten zette him daornaost o.e. in veur et Stellingwarfs in et onderwies en vertegenwoordigde bi’jglieks de Schrieversronte in de Fryske Kultuerried. Op 9 september 1980 verongelokte hi’j op 32-jaorige leeftied tiedens de weerommereize van een vergeerdering in Liwwadden.
Zendemi’jen
Op disse foto uut et archief van de Stellingwarver Schrieversronte zien jim drie manluden an et zendemi’jen. De foto woddde maekt tiedens de opnaemen veur de videofilm over oolde ambachten in Stellingwarf. Deur te klikken op Pieter Heida kriegen jim de foto in beeld, mit veuran op de foto Pieter Heida van Oosterwoolde, iene van de meerst belangrieke mitwarkers an de film.