Jong van hatte mit et Stellingwarfs de toekomst in
meziek, beeld, geluud, media
Op 23 september wodt in Heerde in Overiessel een streektaelkonfereensie holen, waorbi’j et thema streektael en meziek centraol staon zal. Uut Stellingwarf doen mit Carolien Hunneman, zi’j wun Stellingwarfpop 2011, wiels Sietske Bloemhoff van de Stellingwarver Schrieversronte (initiatiefnemer van Stellingwarfpop) ien en aander over et belang en de orgenisaosie van dit festival vertellen zal.
Bekiek et hiele pergramme op:
Bi’j welke ‘wi’j’ heur ieje? Et Meertens Instituut wil daor middels een foto/filmwedstried graeg aachter zien te kommen. Lees meer op:
Gien Gok wun et aldereerste Stellingwarfs popfestival Stellingwarfpop. Dat was in 2007 op et Pastorieplein in Wolvege. In 2012 wodt Stellingwarfpop al weer veur de vuufde keer orgeniseerd.
[youtube]Qu2abMiZFs0[/youtube]
De foto van de maond is dit keer iene van et Stellingwarfs popfestival Stellingwarfpop. Dat festival dat wunnen wodde deur Carolien Hunneman van Oosterwoolde, wodde holen op 4 juni in Noordwoolde. Op de foto zien jim de jonge band Chop 226, waorveur de jury veul wardering had. De foto is maekt deur oold-warkgroeplid van Stellingwarfpop Jeroen van der Pol.
Bi’jkotten gaot de warkgroep al weer beginnen mit de eerste veurbereidings veur et volgende Stellingwarfpop, dat is mitien ok et eerste lustrum: in 2012 zal et festival veur de vuufde keer holen wodden. Bands kun heur daor now al veur anmellen bi’j de Stellingwarver Schrieversronte in Berkoop. Dat kan tillefonisch: 0516-451108, of via de mail info@stellingwarfs.nl.
Carolien Hunneman wun op 4 juni de vierde edisie van Stellingwarfpop. Carolien het et de laeste tied knap drok mit heur Stellingwarver lieties, zo is ze bi’jglieks drok in de weer mit de veurbereidings veur een cd die uutgeven wodden zal deur de Stellingwarver Schrieversronte. Daornaost zal ze nao de zommer ok op wat grotere festivals in et Nedersaksisch taelgebied optreden gaon. En dan is ze ok nog es, tegere mit schriefster en vormgeefster Herma Egberts van Berkoop en Sietske Bloemhoff van de Stellingwarver Schrieversronte drok in de weer mit een uniek digitaal lesanbod t.b.v. et vak Hiemkunde in et basisonderwies.
Kiek ok op De Stentor.nl internationale dialektendag in Heerde