298. Ooldetrienster Brogge


Ooldetrienster Brogge
 
Bi’j de karke van Ooldetriene, die al jaorenlaank as dörpshuus bruukt wodt, staot een bod an de weg mit oolde veldnaemen van Sunnege en Ooldetriene. D’r staon ok naemen in et Stellingwarfs op zoas: Ooldetrienster Brogge, Veendiek, Oldemaden, Jonkers- of Helomavaort en Maodereed. (Foto’s en tekst: Johan Veenstra)

297. Barkrukkie

An de zuudkaante van de vaort in Appelsche staot disse winkel. Jim raoden et al, daor verkopen ze hiele mooie barkrukken. De jonge eigeneresse vertelde d’r enthousiast over; ok over de naeme die ze heur bedrief geven hadde. Ze vun dat et een dudelike mar ok gewone naeme wezen moeten zol, en kwam doe uut op Barkrukkie. (Tekst en foto: Sietske Bloemhoff)

296. ’t Oolde Kloniehuus

Henk Jager van De Blesse zag disse weke tussen Willemsoord en de Witte Peerden disse Stellingwarver naeme. ‘En hielemaole goed speld’, zo gaf Henk an. Wonderlik genoeg wodt et woord ‘oold’ wodt nog wel es as ‘old’ schreven. Mar hiere in Stienwiekerlaand dus niet! (Foto: Henk Jager, tekst: Sietske Bloemhoff)

295. Olde Meinenbos

De straote mit de naeme ‘Olde Meinenbos’ is te vienen in Willemsoord. Henk Jager, die tussen et wark deur vaeke even een rontien fietst, zag et straotnaemebod en maekte d’r disse foto van. Et is hiel mooi dat angeven is dat et hier om een veldnaeme gaot. En hiel mooi is vanzels ok dat ze in de buurgemiente Stienwiekerlaand oge veur zoks hebben! Foto: Henk Jager, tekst: Sietske Bloemhoff.

294. Spinnerskaampe

Disse foto maekte Henk Jager gister doe hi’j in de buurt van zien woonplak De Blesse een fietstochien maekte. Et laandgoed Spinnerskaampe ligt an de Spinnerslaene in et plakkien Paosloo in de gemiente Stienwiekerlaand.