De ere Stellingwarver straotenaeme die Henk Jager in een ni’jbouwwiek van Tuk (zie daorveur nommer 438) zag is De Olde Hof. Aachter et bottien mit De Olde Hof staot nog een riegeltien fraaie oolde ieken, vertelt Henk. Van die ieken maekte hi’j bi’jgaonde foto. Behalven et bruken van de eigen tael bi’j de naemgeving van ni’je straoten is et ok arg mooi dat de oolde bomen in disse ni’jbouwwiek staon bleven binnen.

Henk Jager van De Blesse fietste kotleden deur Tuk en zag in een ni’jbouwwiek twie straotnaemen mit een Stellingwarver naeme. De eerste die we hier numen is De krimpe. Ienkeer thuus zag Henk op een peer oolde kaorten op datzelde plak een dudelike vernauwing van een kaampe gröslaand. Et is mooi dat de herinnering an dat plak now in disse naeme beweerd blift.

In disse serie zaggen we eerder al de naeme van de sporthal mit zwembad De Steense in Wolvege. Mar ok twie zaelen in et gebouw hebben Stellingwarver naemen. Dat zag Henk Jager van De Blesse, en maekte d’r foto’s van. In et eerste geval gaot et om de naeme Oolde steense .

Kot nao ni’jjaorsdag zag Hans Salverda van Zorgvlied disse mooie Stellingwarver naeme van een straote in Doldersum. Op ‘e aachtergrond is nog krek zoe’n betien de beek Vledder Ao te zien. Now zoj’ daenken dat de naeme Neijaorsweg wat mit ni’jjaor te maeken het, mar dat is toch niet zo. Et woord ‘jaor’ betekent in dit geval zoks as ‘gaard’ en wodt hier bi’jomme wel bruukt om een wat kleiner kaampien laand vlakbi’j een boerderi’je mit an te duden, vergeliekber mit et wat bekendere ‘goorn’. Et woord zels kuj’ vergelieken mit et Engelse ‘yard’ veur ’tuun’ of ‘hof”.

Meensken, die ok es een aorige Stellingwarver naeme in et eupenbaor zien, kun een foto daorvan opsturen naor info@stellingwarfs.nl.