Attie Nijboer

Attie Nijboer schrift al een posien gedichten in et Stellingwarfs. Sommigen daorvan bin publiceerd in o.e. et Stellingwarfs tiedschrift De Ovend. Daornaost bin d’r ok gedichten van heur te lezen in et boek Gien plak dat mi’j zo trekt. De 13 dörpen van Oost-Stellingwarf van Henk Bloemhoff. Attie is iene van de leden van de schrieversklub van de Stellingwarver Schrieversronte, daornaost is ze twiede veurzitter van die stichting.

Meie

Vlochtig (oktober 2011)

Harmen Houtman

Schriever en dichter Harmen Houtman uut Et Vene schrift al in et Stellingwarfs sund de oprichting van de Stellingwarver Schrieversronte in 1972. Van him verschenen an now toe drie dichtbundels. Harmen is daornaost iene van de vaaste mitwarkers an de Stellingwarver Spreukekelinder, mar levert bi’jglieks ok mit riegelmaot reisverhaelen veur o.e. de bladziede Stellingwarver Zaeken in de regionaole kraanten Stellingwerf en Nieuwe Ooststellingwerver. Daornaost schrift Harmen Houtman veul lietteksten. Veur de Vliegende Steerns (Flying Stars) van Hooltpae vertaelde hi’j ok wark van eren, zoas Verdronken vlinder van L. Nijgh (tekst) en B. de Groot (meziek):

De eerste stap (september 2011)

Verdronken vlinder (augustus 2011)

Kees Koopstra

Kees Koopstra is iene van de aktieve leden van et zonuumde Schrieversrgroepien van de Stellingwarver Schrieversronte. Kees publiceeert now en dan in o.e. de Stellingwarver Spreukekelinder en Twie pond ‘n stuver, dat is de jaorlikse boekekraante. Die kraante verschient altied een peer weken veurdat de sutelaktie begint. Van Kees kun jim van now of an ok wark lezen op de webstee StellingPlus.

Vaalappels (september 2011)

Hatte onder de riem (september 2011)

Drok (augustus 2011)

In de warre (augustus 2011)

Boekeprieslieste uutgeveri’je Et Boekefoons

In de boekelieste zien jow alle uutgiften van de Stellingwarver Schrieversronte die bi’j die stichting nog in veurraod binnen. Alle uutgiften kun via et mailadres info@stellingwarfs.nl besteld wodden: binnen de Stellingwarven wo’n bestellings ommenocht thuusbezorgd, daorbuten moe’n verzendkosten berekend wodden. Uteraord bin alle uutgiften ok in de grotere boekwinkels in et noorden van Nederland te koop, of ze kun daor besteld wodden. De ni’jste uutgifte is Een beul van een dokter, mit prachtige verhaelen van oold-Berkoper huusdokter Rob Zethoven. De pries is € 10,00

boekeprieslieste